ИТ заедницата и СОС Детско село по шести пат ги здружуваат силите за да направат разлика во животите на децата и младите без родителска грижа, поддржани од СОС Детско село.

Оваа година собраните средства од хуманитарната иницијатива IT4Charity се наменети за професионална поддршка на згрижувачките семејства и децата без родители згрижени во истите. Ваквата поддршка вклучува експерти од различни области, како  психолози, логопеди, дефектолози, социјални работници, како и тренинзи и консултации за родителство со предизвик.

СОС Детско село во моментов поддржува над 70 згрижувачки семејства интегрирани во локалната заедница во кои се згрижени над 140 деца на возраст од 6-18 години. Тие се наши херои кои ги отвориле своите срца и домови за децата без родители и родителска грижа и на кои им е потребна поддршка за да ја дадат најдобрата можна грижа и да ги надминат родителските предизвици.

Поради траумите кои ги преживеале во минатото, многу од децата во згрижувачките семејства се соочуваат со потешкотии во прилагодувањето во новото опкружување, како и идентификување и максимизирање на сопствениот потенцијал, затоа СОС Детско село организира дополнителна професионална поддршка преку континуирани активности кои го олеснуваат процесот на интеграција и ги совладуваат родителските предизвици.

• Општествена одговорност: Придонесете кон општеството и поддржете ги децата од оваа ранлива категорија и згрижувачките семејства кои имаат потреба од помош, воедно покажете ЕКО одговорност и грижа за опкружувањето.
• Тимска Кохезија: Овие настани се одлична можност за зајакнување на тимскиот дух и заедништвото во вашата компанија
• Видливост и промоција: Позиционирајте ја вашата компанија како општествено одговорна и унапредете ја видливоста преку промотивни активности поврзани со настанот
• Networking: Запознајте ги и поврзете се со други компании од IT секторот кои ги делат истите вредности

• Финансиска Поддршка: Обезбедете финансиска поддршка која ќе биде искористена за професионална поддршка и стручна помош на над 70 згрижувачки семејства кои се грижат за над 140 деца без родителска грижа
  Лесно е да чиниш добро кога многумина помагаат!
• Учествувајте во трката: Мотивирајте ги вашите вработени да се вклучат во овогодинешната трка која се организира во рамките на IT4Charity 2024
  Здраво тело, здрав дух!
• Рециклирајте и донирајте за СОС Детско село: Охрабрете ги вашите вработени да рециклираат ПЕТ пластика и лименки преку ЕКОМАК (апликацијата на ПАКОМАК) и да собираат зелени поени кои ќе ги донираат на СОС Детско село –
  ПАКОМАК ќе го удвои вкупниот износ кој ќе се собере до 13/09/2024!
• Промоција на Настанот: Помогнете ни во промоцијата на IT4Charity 2024 преку вашите канали и платформи
  Sharing is caring!

Кој: физички активни вработени кои ја препознаваат каузата на СОС Детско село

Кога: 15.09.2024 во 09:00ч

Каде: Школка, Градски парк, Скопје

Како: Се трча на кружна патека со должина од 3 и 6 км

Плус: МНОГУ ЗАБАВА со ДЈ, храна и пијалоци

*Храната и пијалоците се наплаќаат.

Кој: Сите вработени од сите градови кои сакаат да придонесат за зелена иднина за секое дете

Како: Спушти ја апликацијата на Пакомак, регистрирај се, рециклирај пластика и лименки во вендинг машините, собирај зелени поени и донирај за СОС Детско село
ПАКОМАК ја удвојува донацијата!!!

Зошто?

• намалување на загадувањето
• промовирање еколошка свесност и одржливост
• задоволни вработени кои придонесуваат во две општествени каузи
• можност за добивање признание за еко ИТ компанија на годината!

За учество, ве молиме контактирајте не преку е-маил или телефон најдоцна до 15 август, 2024 година.

ljubica.atanasova@sos.org.mk  тел:+389 (0) 76 220 472 – Љубица

sofija.stojkov@sos.org.mk   тел: +389 (0) 75 387 953 – Софија

Вашето учество и поддршка ќе биде од огромна важност за успешната реализација на оваа иницијатива.

• За секој поминат ЗЕЛЕН километар на вработените
• Компанијата донира средства за СОС Детско село
• Оваа година проектот ќе заврши со голема IT ТРКА

Со добра волја, отворено срце и желба за поддршка на ранливите
Секоја ИТ компанијa која ќе сака да се приклучи на проектот е добродојдена да не контактира на: goran.velkovski@sos.org.mk

• Да ја преземат апликацијата Challenger на мобилен телефон
• Да се регистрираат со компаниски маил
• Вработените можат да се приклучат и во постоечките предизвици на самата апликација, а со тоа се борат да добијат директни награди и попусти во локални бизниси
• Challenger го регистрира секој километар со помош на следните алатки: GoogleFit, Apple Health и Strava. Учесниците ќе треба да ја вклучат Strava пред да почнат да возат велосипед. Сите други активности (трчање и одење пеш) Challenger апликацијата ќе ги регистрира во позадина
• Во текот на броењето на километрите вработените ќе добијат информации за да се регистрираат за ГОЛЕМАТА IT ТРКА.
• Вработените ќе можат да учествуваат во ТРКАТА со трчање и возење велосипед.

Во остварување на целта од 30.000 ЕУР за поддршка на програмите на СОС Детско село, секоја компанија има можност да одбере еден од моделите за финансиска поддршка и со тоа да обезбеди пласман на компанијата за учество во проектот и секако учество на вработените за време на трката.

Наша цел е заеднички да собереме 30.000 ЕУР за поддршка на програмите на СОС Детско Село