17 март 2022
Улогата на компаниите како партнер во развој на социјалните, политички и економски промени се зголемува секој ден и токму поради тоа СОС Детско село се повеќе ја зајакнува својата соработка и партнерство со компаниите кои сакаат да креираат импакт во општеството во областа на најранливите групи – децата без родителска грижа.
На годишниот донаторски настан “Едно семејство” заедно се потсетивме на многуте реализирани кампањи од минатата година – За детство со многу насмевки, Промени животи, Образование за секое дете, Осветли ја иднина, Заокружи сметка и многу други со кои ја помогнавме целта – “Ниедно дете да не расте само”.
На настанот се доделија признанија на најголемите поддржувачи од бизнис заедницата:
Kомпаниите кои повеќе години не поддржуваат “Пивара Скопје”, “Шпаркасе Банка”, “Осигурување Македонија”, “Макпрогрес”, “АЕК”.
“Во 2021 година со СОС Детско село започнавме стратешка соработка бидејќи заедно подржуваме исти цели кои се базирани на целите за одржливост на Обединетите нации и кои се дел од нашата стратегија за општествена одговорност. Можам да кажам дека е привилегија да се биде дел од големото семејство на СОС пријатели и затоа заедно со нашите вработени и партнери активно учествуваме во донатроски но и во волонтерски активности и дружење со децата и младите , се со цел да ја подржиме девизата на СОС Детско село – Топол дом, љубов и грижа за секое дете.
Остануваме посветени на соработката и за оваа година планираме и повеќе поддршка за младите од оваа ранлива категорија во патот на нивното осамостојување – порача Горан Цветинов, Генерален директор на Нептун Македонија.”
Kомпанијата “Веро Маркети” која ја реализираше иновативната кампања “Заокружи сметка”со која постигна голем успех и допре до голем број на граѓани.
“Арс Ламина” и Зоран Спасов – Ѕоф за реализација на проектот “Хуманитарна книга”
15 ИТ компании за проектот “IT4Charity 2021” при што нивните вработени преку физичка активност генерираа зелени километри кои беа со хуманитарна димензија. – Slice, Valtech, Allocate Software, Foxit, Kajgana Media, Sopro, Intertec, One Inside, Netcetera, Cognism, CodeIT Solutions, InPlayer, EmbedSocial, Symphony Digital Skopje и македонската апликација Challenger
На Водовод Скопје кој веќе три години го претcтавува нашиот глас помеѓу нивните корисници
Плакети за значаен придонес и поддршка добија компаниите Cardiologie centra Nederland, Cap Kargo, IUTE credit, Гранит, Реплек Фарм , Леорон, Хелиос Technologies inc, Хемофарм, Зегин, Еко мозаик, Експетка Медикал, Жито лукс и Јазичен центар Челинџ
ЛЕСНО Е ДА ЧИНИШ ДОБРО КОГА МНОГУМИНА ПОМАГААТ!
Назад кон сите новости
