27 јануари 2022

Специјалист за мониторинг и евалуација | СОС Детско село

СОС Детско село е здружение на граѓани кое претставува дел од големото семејство на национални здруженија на меѓународната хуманитарна организација “СОС Детски села Интернационал”. Здружението делува и работи на развојни програми од областа на социјална заштита, социјална превенција и детски права.

СОС Детско село објавува слободна позиција за 1 работно место:

Специјалист за мониторинг и евалуација и јавно финансирање (m/f)

Опис на работното место:

Специјалистот воспоставува мерки за собирање и анализа на информации за перформансите на проектите и услугите. Воспоставува мерки за планирање и управување со евалуации и помага на раководството во користењето на информациите за успешно донесување на одлуки и распределба на ресурсите. Идентификува можности за пристап до јавни фондови во државата и странство, во области блиски до програмските активности на СОС Детско село и го води процесот на изработка на проекти и учествува во воспоставување на проекти.

Ги почитува сите важечки стандарди, водичи, политики и правилници на СОС Детски Села Интернационал и СОС Детско Село, со особен осврт на политиката за заштита на деца.

Клучни области на работа и главни одговорности:

Воспоставува и спроведува систем за мониторинг и евалуација на ниво на проекти, услуги и организациско ниво;
Воведува, следи и го проценува квалитетот на спроведувањето на политиките, стандардите, методологиите за работа, во областа на мониторингот и евалуацијата и финансирањето од јавни фондови;
Обезбедува насоки и поддршка во процесот на дизајнирање, управување и подобрување на практиките, процесите и системите за MиE.
Обезбедува поддршка за обработка и анализа на податоци и формулира заклучоци и препораки за донесување организациски одлуки.
Го следи целиот процес на спроведување на грантот и проверува дали имплементацијата е во согласност со барањата на донатор.
Гради капацитети на клучни соработници во областа на менаџирање на проектен циклус, финансирање од јавни фондови.
Ги прегледува релевантните можности за грантови (дадени од страна на институционалните донатори) и ги поврзува со потребите на СОС Детско село
Го управува процесот на подготовка на проект и доставување до релевантни даватели на грантови во согласност со барањата на донаторот и СОС стандардите и политиките
Директно е вклучен во сите фази од менаџирањето на проектите од идентификација до евалуација
Го следи процесот на употреба на грантот, во смисла на мониторинг, известување и евалуација, и проверува дали овие процеси се во согласност со барањата на институционалниот донатор
Гради и одржува мрежа со соработници, организации и институции, во правец на воспоставување на долготрајни партнерства за проекти од јавни фондови
Учествува во настани и активности на локално и меѓународно ниво
Ги следи и се придржува до стандардите и политиките на организацијата со особен осврт на политиката за заштита на деца.

Потребни квалификации и дополнителни критериуми:

Завршено високо образование од областа на општествени, психо-социјални и образовни науки
Најмалку 3 години во областа на социјалната заштита, детски права, развој на граѓанско општество
Добро познавање на детските права и законска регулатива поврзана со социјален развој и социјална заштита,
Работно искуство во управување со проекти, планирање, следење и евалуација
Претходно искуство со граѓански организации
Одлично познавање на англиски јазик
Возачка дозвола Б категорија предност
Вештини и знаење за работа со компјутерски апликации (Windows, MS Office).
Способност за тимско работење
Силни комуникациски вештини
Организациски и вештини за планирање
Способност да се справува во работа под притисок
Вештини за преговарање
Способност за контрола на квалитетот на процесите
Добри комуникациски и организациски вештини
Подготовка на извештаи и финансиска писменост

Работни услови:

Работна позиција на неопределено време (првичен договор на определено време од 12 месеци)
Локација на работното место, општина Центар
Работно време од понеделник до петок од 08.00 до 16.00
Континуирани можности за професионален и личен развој (обуки за професионален развој, активности за јакнење на тимот)

Ве молиме испратете професионална биографија најдоцна до 06.02.2022 на е-маил: kariera@sos.org.mk. Само селектираните кандидати ќе бидат контактирани за интервју.