6 ноември 2018

Прослава на полуматурата на деца од СОС Детско Село

Крајот на училишната година го означи и завршувањето на основното образование за седум од децата во СОС Детското село. На 08 Јуни тие ја прославуваа својата полуматура. По тој повод СОС Мајките и вработените во дворот на селото  организираа прослава за одбележување на овој убав настан и испраќање на полуматурантите на организираната забава.Гости на прославата беа и претставнички од Активот на жени на О.Карпош Тафталиџе 2 како традиционални поддржувачи на децата полуматуранти.

Активот на жени на О.Карпош Тафталиџе 2 веќе петта година по ред ги поддржува матурантите и полуматурантите од СОС Детско село преку обезбедување на целокупната свечена гардероба за прославата во соработка со повеќе бутици од Скопје и господинот Александар Ношпал. На крајот на прославата полуматурантите заминаа да ја прославата полуматурата заедно со своите соученици од основните училишта Дане Крапчев и 25 Мај.