13 март 2023
СТРУЧЕН РАБОТНИК ЗА СОЦИЈАЛНА ИНТЕГРАЦИЈА
Стручниот работник за социјална интеграција во Службата за Живеење со поддршка, под надзор и раководство на Раководителот координира и спроведува поддршка на млади во процес на нивна транзиција од алтернативна грижа кон социјална интеграција, а во согласност со визијата, мисијата, организациската стратегија, политиките и стандардите. Тој е одговорен за квалитетот на поддршка за младите во транзиција. Осигурува квалитетно спроведување на сите воведени програми за работа со млади во процес на осамостојување.
Главни задачи и одговорности
- Презема активности за создавање на можности за учество и застапување на младите во заедницата;
- Подготвува материјал за промоција на поддршка на младите во процес на осамостојување и социјална интеграција;
- Ја поддржува спонзорската програма на младите во социјална интеграција;
- Работи во согласност со националниот концепт за грижа за млади;
- Организира активности согласно методологијата за менторство на млади за социјална интеграција и други воведени организациски програми и пристапи за работа со млади;
- Обезбедува пристап до активности и услуги за зајакнување на знаењето и вештините на младите за вработување, практични животни вештини, социјални вештини и советување за користење на права од социјална заштита и можности за младите во процесот на социјална интеграција, вработување и домување;
- Ги советува, менторира и придружува младите за комплетирање на формалното и неформалното образование со цел јакнење на компетенции за самостоен живот;
- Спроведува мерки и активности за поддршка на младите кои имаат развојни потешкотии и ги поврзува со институции, организации и даватели на услуги;
- Споделува информации до младите за можностите за социјално вклучување во нивната заедница;
- Развива индивидуална мрежа за поддршка на секое младо лице;
- Изработува договор со младите за социјална интеграција и директно и индиректно преку менторите го следи исполнувањето на договорот;
- Учествува во планирање и осигурува спроведување на целите и активностите во планот за поддршка на корисник;
- Изработува оперативен план за поддршка на секој младинец;
- Води евиденција за работата со младите;
- Обезбедува податоци и осигурува нивно внесување во база на податоци, нивно редовно ажурирање и го осигурува квалитетот на внесените податоци;
- Учествува во целосна проценка за потребите на младинецот кој ја напушта или напуштил грижата;
- Редовно се координира со менторите (ГЛГ) и самостојните стручни работници за сите млади кои ги поддржува;
- Соработува со сите раководители и проектни менаџери во организацијата за поефективна поддршка на младите за нивно вработување и социјална интеграција;
- Отвора можности за сезонско вработување на млади во грижа;
- Дава континуирана поддршка и ги мотивира младите да го задржат работното место;
- Ги поддржува младите во наоѓање на идно живеалиште;
- Интервенира во кризни ситуации и ги поврзува со лица и услуги за психо-социјална поддршка;
- Директно се вклучува во грижата за младите во станбените единици во улога на ментор за млади по потреба и одлука на Раководителот на служба за живеење со поддршка;
- Ги спроведува прописите од областа на заштита на лични податоци и заштита и безбедност при работа;
- Ги спроведува политиките за заштита и безбедност за деца;
- Врши и други задачи во доменот на описот и одговорностите на работното место.
Потребни квалификации
- Високо образование од областа на општествените науки (Социјален работник, Психолог, Педагог итн);
- Координаторски вештини;
- Тимска работа;
- Добри комуникациски и организациски вештини;
- Познавање на законска регулатива за социјална заштита и семејство ќе се смета за предност;
- Напредни познавања на детските права;
- Напредни познавања од областа застапување на млади;
- Две години работно искуство во работа со млади;
- Активно познавање на англиски јазик;
- Активно познавање за работа на компјутер;
- Лиценца за стручна работа издадена од страна на Завод за социјални дејности.
Работни услови
- Работа на определено време во траење од 1 година, со можност за продолжување на неопределено време
- Работно време од понеделник до петок од 08:00 до 16:00 часот
Ве молиме испратете професионална биографија најдоцна до 17.03.2023 преку копчето Аплицирај.
*Со испраќањето на Вашата кратка биографија, согласни сте Вашите лични податоци да бидат обработени за потребите на регрутација и селекција од страна на СОС Детско село Скопје и истите да бидат зачувани во дата базата.
