Детството е најчувствителниот период во човечкиот живот и на децата тогаш најмногу им треба помош и поддршка за да го пронајдат патот за остварување на своите соништа. Целата наша работа е насочена кон обезбедување на топол дом исполнет со многу љубов и грижа за секое дете.

Поддршката од нашите пријатели и донатори ни овозможува заедно да успееме во остварување на оваа наша мисија. Затоа што успeшнa иднина на едно општество е можна само со деца кои имаат среќно и исполнето детство.

Во име на децата и семејствата за кои се грижиме, сакаме да им се заблагодариме на сите организации, институции, компании, локални самоуправи, медиумите и граѓаните кои ја поддржаа нашата работа и нашата визија – Ниту едно дете не треба да расте само.

Ви благодариме што сте тука со нас, и ни помогате заедно да создадеме можности за оние на кои им се најпотребни!