17 февруари 2022
Отворен оглас за Координатор за одржување на релации со донатори
СОС Детско село е здружение на граѓани кое претставува дел од големото семејство на национални здруженија на меѓународната хуманитарна организација “СОС Детски села Интернационал”. Здружението делува и работи на развојни програми од областа на социјална заштита, социјална превенција и детски права.
СОС Детско село објавува слободна позиција за 1 работно место:
Координатор за одржување на релации со донатори
Опис на работното место
Координаторот за одржување на релации со донатори е задолжен за реализација на Интернационална програма за децата и младите без родителска грижа згрижени и поддржани во СОС Детско село.
Целта на работната позиција е да креира висококвалитетни содржини за потребите на оваа програма.
За таа цел е во директна комуникација со одговорните вработени, собира информации и произведува текстуални, фотографски и видео содржини според дефинирани стандарди и истовремено ги извршува и другите задачи во врска со програмата.
Координаторот за одржување на релации со донатори припаѓа во Одделот за собирање на средства и комуникација.
Клучни области на работа и главни одговорности:
- Обезбедување на информации за потребите на донаторската програма преку креативно пишување и поставување на промотивни текстови согласно дефинирани правила и насоки
- Приготвување и продуцирање на фотографии и видеа согласно СОС стандарди
- Користење на софтвер и редовно внесување на податоци во истиот спрема дефинирани формати и стандарди и временски рамки.
- Поддршка во подготовка на текстови и споделување на информации за работата на СОС Детско Село за потребите на одделот за комуникација
- Поддршка при организација на настани со донатори и партнери
- Поддршка при организација на креативни работилници и настани со деца
- Ги следи трендовите и се надградува преку интернационалната мрежа на СОС Детски Села
- Се придржува до стандардите и политиките на организацијата со особен осврт на политиката за заштита на деца.
Потребни квалификации и дополнителни критериуми:
- Докажано претходно искуство во пишување кратки приказни – Storytelling.
- Одлично познавање на англискиот јазик во писмена форма (ќе се спроведе тест за вештини доколку кандидатот е во потесен избор)
- Напредни вештини во Word, Excel, Powerpoint
- Сензибилизиран за работа за деца
- Одлични организациски и административни способности
- Вештини за пишување, комуникација и интерес за децата
Дополнителни вештини што ќе се сметаат за предност:
- Искуство во фотографирање и изработка на кратки аматерски видеа. (ќе се спроведе тест за вештини доколку кандидатот е во потесен избор)
- Познавање на прашањата за заштита на децата и законот за заштита на личните податоци.
Работни услови:
- Работа на определено време во период од 1 година со можност за продолжување на неопределено;
- Работно време од понеделник до петок од 08.00 до 16.00.
- Континуирани можности за професионален и личен развој (обуки за професионален развој, активности за јакнење на тимот)
Ве молиме испратете професионална биографија најдоцна до 25.03.2022 на е-маил: kariera@sos.org.mk. Само селектираните кандидати ќе бидат контактирани за интервју.
