Тип на донација
Сума

или

Кампања #СетиСЕ на твоето детство

СОС Детско селоШто работи?

СОС Детско село е хуманитарна организација која веќе 20 години работи во остварување на мисијата НИТУ ЕДНО ДЕТЕ НЕ ТРЕБА ДА РАСТЕ САМО.

Како организација која се грижи за добросостојбата на сите деца, млади и семејства на кои им е потребна поддршка, за овие 20 години обезбеден е топол дом и грижливо семејство за повеќе од 376 деца и млади без родителска грижа, додека на повеќе од 1200 деца е помогнато да не бидат разделени од своите биолошки семејства.

Сети се кога беше дете! Сети се на убави моменти од детството!Од каде идејата?

Тешко да се каже од каде е точно идејата и кој прв ја започнал, но веќе некое време на интернет се појавуваат прекрасни ре-креации на фотографии од детството.

Возрасните бараат фотографии од нивното детство и потоа детално ги пресоздаваат. Позираат сами или со цели семејства и на сите им е многу забавно правејќи го тоа.

СОС Детско село реши да го искористи овој тренд на социјалните медиуми, и на еден интересен и забавен начин да ги поттикне индивидуалците да помогнат и да направат добро дело донирајќи за децата и младите поддржани од СОС Детско село.

Кампањата #СетиСЕ, во овој предновогодишен период не само што ќе ве натера да ги отворите вашите албуми, или кутии со слики и навистина да се потсетите на некој убав момент од вашето детство, туку ќе ви овозможи да се чувствувате убаво и благородно знаејќи дека помагате токму на оние на кој им е најпотребно- ДЕЦАТА.

#СетиСЕКако да се вклучам и да помогнам на децата?

Отвори ги старите албуми, и најди некоја фотографија која ќе ти предизвика убаво сеќавање од детството и најголема насмевка

Сега…направи убава организација и создади најдобра ре-креација на фотографијата. Добро е да го вклучиш и семејството, за подобра забава. Некогаш треба да побараш низ домот некои реквизити или облека за да ја копираш, но некогаш е доволно само широка и смешна насмевка за да ја доловиш фотографијата.

#СетиСЕКога и како да споделам?

Празниците се секогаш убави кога ги поминуваме со семејството. Кога се потсетуваме на спомените од детството.

Токму затоа го одбравме месец декември и предновогодишниот период.

Објавете ги фотографиите (некогаш и сега) и задолжителниот текст:

#СетиСЕ на твоето детство! Најдете ја вашата фотографија од детството и обидете се да ја рекреирате сега. Ќе има многу радости, смеење и емоции, ветувам!

Запомнете го вашето безгрижно детство и станете СОС Пријател и помогнете и дечињата без родителска грижа да имаат убави сеќавања од детството!

Донирај СЕГА линк

И на крај номинирајте мин. 3 други луѓе кои исто така можат да помогнат.